БОМБА! Од Јувентус преку Баерн до Милан? Што планираат „Росонерите“ до крајот на преодниот рок?

Работите се приведуваат на крај, што може Пиоли да очекува во борбата за титула?

Новите информации ја разгореа фантазијата на навивачите на Милан.

Имено, Росонерите преговараат со Јувентус со цел да го доведат Даглас Коста. Бразилецот е во Баерн, не се прослави, вториот претстој меѓу Баварците не донесе ништо, а тие го известија Јувентус дека нема да го откупат Коста.

Тој би ја прифатил понудата на Милан, но има голема плата. Сепак, Росонерите се обидуваат да го убедат да ги намали апетитите, но, и самиот Јувентус не е сигурен, во прашање би била позајмица со можен откуп, но постои и варијанта за купувањето да биде автоматски активирано, ако Даглас Коста одигра одреден број натпревари и се исполнат некои услови поврзани со голови и асистенции.

Тој би бил многу подобра опција од Товин. Милан во случај да го доведе Бразилецот ќе мора да се ослободи Кастиљехо, веќе стигна Фикајо Томори за одбраната, нема да има големи промени.

Охрабрување е опоравувањето од повреда на Бенасер, тој за викендов ќе биде на клупа против Болоња каде Милан не загуби 18 години. Но, ќе брка победа, потребна им е сигурност после неколку слаби резултати, односно пораз од Аталанта и елиминацијата во купот од Интер.