Борко е спасителот на Вардар за финале во СЕХА

Вардар изгледаше дека е во бездна од која нема враќање на едноцифрени минути до крајот, во 51-та, кога последно важеше негативата од шест разлика (18-24). Не дека беше бројчано недостижна, но дотогашната игра на црвено-црните не даваше знаци дека постои излез. Сепак, по еден тајмаут, Вардар одигра „7 на 6“ во нападот, па потоа Загреб доби исклучување, стегна одбранбената 5-1 зона и Вардар се најде во серија од 5-0.

Вардар ќе игра за шеста титула во СЕХА-лигата, во финалето од Ф4-турнирот во Задар, откако во ултра-драматично полуфинале излезе како победник против ППД Загреб и тоа по изведување пенали. За конечните 30-29 најзаслужен е Борко Ристовски, зашто беше присебен во пенал-серијата, но и претходно, зашто помогна резултатот во основниот дел да застане на 26-26.

Борко Ристовски ја надополни деконцентрацијата кај загрепчани со четири важни интервенции едноподруго и го овозможи чудесниот камбек, кој сепак докрај го реализира Ловро Јотиќ, со гол на две секунди до крајот